Չինաստանը հայտարարել է, թե երկիրն այսուհետ ավելի բաց կլինի կառավարության և իշխող կոմունիստական կուսակցության աշխատանքների առումով:
Այնուամենայնիվ, պրոպագանդայի հարցերով բարձրաստիճան պաշտոնյա Ուան Չենն այսօր ասել է, որ համացանցի խիստ վերահսկողությունը կմնա նույնը:
Associated Press-ի հաղորդմամբ՝ Չենն ասել է, որ Չինաստանն առավել բաց կդառնա` մեծացնելով կառավարության ներկայացուցիչների թիվը, ընդլայնելով օտարեկրյա ԶԼՄ-ների` Չինաստանի պետական լրատվամիջոցների հետ կապվելու հնարավորությունը և օգտագործելով միկրոբլոգները հասարակության հետ հաղորդակցվելու նպատակով:
Հիշեցնենք, որ Չինաստանը վերահսկում է համացանցը և այնպիսի մեծ սոցիալական ցանցեր, ինչպիսիք են Facebook-ը և Twitter-ը` արգելափակելով քաղաքական կարևոր տեղեկությունները:
