Ամերիկա-պակիստանյան ռազմավարական բանակցությունների վերջին օրը ԱՄՆ-ի մի պաշտոնյա հայտարարել է, որ Պակիստանին կտրամադրվի բազմամիլիարդանոց ռազմական օգնություն: Մի քանի տարվա համար նախատեսված այս ծրագիրը կլինի անհատույց: Սակայն Օբամայի վարչակազմը հասկացրել է պակիստանյան կողմին, որ ավելի մեծ ջանքեր պետք է գործադրել իսլամական անջատողականների դեմ պայքարում: Այս մասին հաղորդում է բրիտանական BBC-ն: 2005թ. ԱՄՆ-ն Պակիստանին $ 1 մլրդ դոլարի օգնություն է ցույցաբերել եւ մոտ $ 2 մլրդ վերջին ֆինանսական տարում: ԱՄՆ պաշտոնատար անձինք հայտարարում են, որ Պակիստանին կոնկրետ օգնություն է պետք ահաբեկիչների դեմ պայքարելու համար, եւ ԱՄՆ-ն կարող է երկարատեւ օգնություն ցուցաբերել: Օգնության գումարը մոտ $ 2 մլրդ է, իսկ դրա տրամադրումը կախված է նրանից, թե Կոնգրեսը կհաստատի՞ այդ ծրագիրը, թե՞ ոչ: