Ամանորյա տոներին ընդառաջ, մարդկանց մոտ ահագնանում է դեպրեսիան։ Հոգեբան Կարինե Նալչաջյանից փորձեցինք ճշտել՝ ի՞նչն է դառնում դեպերեսիայի պատճառ և ինչպե՞ս կարելի է դեպրեսիայից դուրս գալ: Նրա խոսքով, դեպրեսիան դարի հիվանդություն է, սակայն նախատոնական օրերին ավելի ճիշտ է խոսել ոչ թե դեպերեսիայի, այլ՝ գերլարվածության մասին: Իսկ դեպրեսիա կապրեն այն մարդիկ, ովքեր կցանկանան ավելի լավ սեղաններ ունենալ, սակայն չի ստացվի ֆինանսական սղության պատճառով: «Մեզանում չափազանցված են տոնական սեղանի հետ կապված բոլոր տեսակի հարցերը: Ու տոնը հաճախ հաճույքից հոգսի է վերածվում: Մանավանդ կերակուրների առատ քանկության պատճառով դրանք կարող են փչանալ և նույնպես դեպրեսիայի պատճառ դառնալ, քանի որ դրանց վրա գումարներ են վատնվել»,- մանրամասնեց հոգեբանը: Իսկ մեր այն հարցին, թե իրենք ինչպես են պատրաստվում Ամանորին, տիկին Նալչաջյանը մանրամասնեց. «Մենք էլ որոշակի պատրաստություն տեսնում ենք, բայց երբեք չենք ձգտում մեր սեղանին ունեալ այնպիսի մի արտառոց բան, որ մյուսների տանը չլինի: Ես ավելի շատ շեշտը դնում եմ գեղեցիկ ընդունելության, շփման վրա: Բայց այս տարի որոշել ենք սեղանին նաև բուդ դնել»։