«Երկիր»-ը գում է, որ Կոտայքի մարզպետ Կովալենկո Շահգալդյանի գործերը կարծես այնքան էլ լավ չեն:
«Մեր տեղեկություններով` մարզպետն իր սեփականություն հանդիսացող «Արմավտո» ԲԲԸ-ի մասնաշենքը քանդում և ամբողջ սարքավորումները վաճառում է: Վերջին երեք տարվա ընթացքում էլ ամբողջ գործարանը մաքրվել է մետաղի ջարդոնից և այն վաճառվել այլ կազմակերպությունների: Վաճառվել են նաև գործարանի պահեստում եղած շահագործման մեխանիզմները:
Նշենք, որ Չարենցավանում խոսակցություններ են շրջանառվում, որ մարզպետը և նրա քաղաքապետ որդին ցանկանում են իրենց թեկնածություններն առաջադրել համապատասխանաբար թիվ 25 և 31 ընտրատարածքներում: Այնպես որ, գործարանը «մանրից» վաճառելով` Շահգալդյանը կա՛մ ընտրությունների համար գումար է հավաքում, կա՛մ էլ գիտի գլխի գալիքը և շտապում է օր առաջ ազատվել այն ամենից, ինչից դեռ կարող է»:
Թերթը նաև նշում է, որ մարզում իրականացվող բոլոր տեսակի մրցույթներում մարզպետի և նրա հարազատների հաղթելը ավանդույթի է նմանվել:
«Հիմա էլ Շահգալդյանին պատկանող գործարանը շահել է մարզի վեց դպրոցներում հիմնանորոգման արդյունքներում մետաղապլաստե դռների պատրաստման մրցույթը»:
