Ինչպես հաղորդում է Kazakhstan Today գործակալությունը՝ հղում անելով Ղազախստանի նախագահի մամուլի ծառայությանը, Ղազախստանի նախագահ Նուրսուլթան Նազարբաևը հրամանագիր է ստորագրել Պաղեստինի կառավարությանն անհատույց տարածք տրամադրել` դեսպանության աշխատանքները կազմակերպելու համար:
Սա նշանակում է, որ Ղազախստանն էլ է պաշտոնապես ճանաչում Պաղեստինի պետությունը:
Վերջին շրջանում Պաղեստինի պետությունը ճանաչել են հարավաամերիկյան մի շարք երկրներ: Եվրոպական երկրներն էլ պատրաստվում են պաշտոնապես ճանաչել Պաղեստինի ներկայացուցչությունները:
ՄԱԿ-ի անանուն աղբյուրն էլ նշում է, որ արդեն 2011թ. օգոստոսին Պաղեստինի պետությունը պաշտոնապես կհռչակի իր անկախությունը:
