Երևանում այսօր մեկնարկեց Արևելյան գործընկերության (ԱլԳ) Հայաստանի ազգային պլատֆորմի (ՀԱՊ) 2-րդ ֆորումը: ԱլԳ Հայաստանի ազգային պլատֆորմին այս անգամ հաջողվել էր իր շուրջը հավաքել ավելի քան 200 հայաստանյան հասարակական կազմակերպությունների ՀՀ մարզերից և Երևանից:
«Մենք փորձելու ենք բարձրացնել և կյանքի կոչել Արևելյան գործընկերության սկզբունքներն ու խնդիրները Հայաստանում»,- ֆորումի բացմանը նշեց ԱլԳ ՔՀՀ Հայաստանի ազգային պլատֆորմի համակարգող խորհրդի նախագահի պաշտոնակատար Վիկտոր Եբգիբարյանը և այս հարցում ակնկալեց հայաստանյան քաղաքացիական հասարակության կառույցների միասնական աջակցությունը:
ՀԱՊ-ը նաև ներկայացրեց 2010-ի իրենց գործունեության հաշվետվությունը, ԱլԳ Քաղաքացիական հասարակության համաժողովի հայեցակարգային դրույթները, առաջադրեց ՀԱՊ համակարգող խորհրդի նոր թեկնածուներ:
Ի դեպ, նշենք, որ ՀԱՊ-ը բաց է հայաստանյան քաղաքացիական հասարակության յուրաքանչյուր կազմակերպության համար, որն իր գործունեությամբ կնպաստի երկրի ներքին խնդիրների լուծմանը և այդ լուծումները` ԵՄ չափորոշիչներին համապատասխանեցնելուն:
