Եթե Հայաստանի տնտեսական զարգացման հիմքերը չփոխվեն, ապա 1 շնչին ընկնող Համախառն ներքին արդյունքը (գնողունակության պարիտետով հաշվարկված) առաջիկա 3 տարիներին չի աճի 2007 և 2008թթ նկատմամբ: Այս մասին ասվում է «Տնտեսություն և արժեքներ» հետազոտական կենտրոնի այսօր հրապարակած Հայաստանի 2010թ-ի ազգային մրցունակության զեկույցում: 1 շնչին ընկող ՀՆԱ-ն կայուն աճ կունենա առաջիկա 3 տարիներին (2011, 2012, 2013) միայն այն դեպքում, եթե իրականացվի «տնտեսական փոխակերպման ռազմավարություն» կամ փոխվի «տնտեսական զարգացման մոդելը»:
Նշենք, որ գնողունակության պարիտետով հաշվարկված ՀՆԱ-ն տարբերվում է ավանդական եղանակով հաշվարկվող ՀՆԱ-ից, քանի որ 1 դոլարը տարբեր երկրներում տարբեր գնողունակություն ունի: Գնողունակության պարիտետը հենց այս տարբերությունները հարթելու համար է կիրառվում` միջազգային համեմատությունների իրականացնելիս: