Հյուսիսային Կորեան հինգշաբթի օրը հայտնել է, որ Կիմ Չեն Իրի մարմինը Փխենյանի դամբարանում կդրվի մշտական ցուցադրության և որ նրա արձանները, դիմանկարները կդրվեն երկրի տարբեր քաղաքներում:
The New York Times-ը հաղորդում է, որ Կիմ Չեն Իրը, ով մահացել էր դեկտեմբերի 17-ին` 69 տարեկան հասակում, Հյուսիսային Կորեայի երկրորդ առաջնորդն է, ում զմռսված մարմինը կդրվի հանրային ցուցադրության:
Նրա հայրը` Կիմ Իր Սենը, ով մահացել էր 1994 թվականին, զմռսվել էր ռուս փորձագետների օգնությամբ, և նրա զմռսված մարմինը գտնվում է Փխենյանի Կումսուսան հուշահամալիրում:
Կիմ Չեն Իրի մարմինը նույնպես այնտեղ կդրվի: Դեռևս հայտնի չէ, թե Հյուսիսային Կորեայի աղքատացած կառավարությունը որքան գումար է պատրաստվում ծախսել նախկին առաջնորդի հիշատակը հարգելուն նվիրված արարողությունների վրա:
