Լույս է տեսել Ջեկսոնի նոր սկավառակը

Ինչպես հայտնում է Reuters գործակալությունը, Մայքլ Ջեքսոնի նոր` «Մայքլ» ալբոմը չկարողացավ գլխավորել ԱՄՆ-ի «Billboard 200» երաժշտական հիթ-շքերթը: Սակայն բազմաթիվ երկրներում, այդ թվում Գերմանիայում, Իտալիայում և Շվեցիայում այն գլխավորում է բազմաթիվ հիթ-շքերթներում:
ԱՄՆ-ում Մայքլ Ջեքսոնից առաջ են ընկել Թեյլոր Սվիֆթն իր «Խոսի՛ր հիմա» ալբոմով և Սյուզան Բոյլն իր «Նվեր» ալբոմով: Անցյալ շաբաթվա ընթացքում ԱՄՆ-ում վաճառվել է «Խոսիր հիմա» ալբոմի 259 հազար պատճեն և 254 հազար պատճեն` «Նվեր» ալբոմից: Այդ նույն ընթացքում «Մայքլ» ալբոմից վաճառվել է 228 հազար հատ:
Հնարավոր է, որ այսպիսի համեստ արդյունքների պատճառն այն է, որ մինչև ալբոմի պաշտոնապես հայտնվելը` մեկ շաբաթ առաջ, արդեն այն գոյություն ուներ ինտերնետում: Բացի այդ, նախկինում հայտնում էին, որ ոչ բոլոր երգերում է հնչում Մայքլի ձայնը:
Հիշեցնենք, որ «Մայքլ» ալբոմում հանդիպում են այնպիսի երգեր, որոնց աշխատանքները Ջեկսոնը չէր հասցրել ավարտել: Սկավառակը դարձավ մեկն այն 10-ը սկավառակներից, որը Sony ընկերություն պլանավորել է թողարկել մոտակա 7 տարիների ընթացքում` հանգուցյալի հարազատների հետ ունեցած իր համաձայնության շնորհիվ: