Ծննդյան տոների նախօրեին ձյան առատ տեղումները ձախողել են աշխարհում հազարավոր ուղևորների ճանապարհորդական ծրագրերը:
Փարիզի Շառլ դը Գոլ օդանավակայանում հարյուրավոր չվերթներ չեղյալ են հայտարարվել: Իրավիճակը ծանր է Բյուսելի օդանավակայանում։ Բելգիայի իշխանությունները հանդես են եկել կոչով` հորդորելով վարորդներին խուսափել մեքենայով ճանապարհ դուրս գալուց:
Գերմանիայում ձյան պատճառով հարյուրավոր ճանապարհատրանսպորտային պատահարներ են գրանցվել, իսկ Իտալիայի հյուսիսում անդադար տեղացող անձրևի պատճառով Վենետիկի որոշ շրջաններ հեղեղվել են:
Մոսկվայի իշխանությունները հայտարարել են, որ առատ ձյան պատճառով «լուրջ բարդություններ» և խցանումներ են առաջացել Ռուսաստանի մայրաքաղաքի ավտոճանապարհներին:
