Թուրք պաշտոնյաներն այսօր շնորհավորել են իրենց քրիստոնյա քաղաքացիներին` Սուրբ ծննդյան օրվա կապակցությամբ:
Գյուլն իր ուղերձում նշել է, որ Թուրքիան ամեն ինչ անելու է, որպեսզի իր ներդրումն ունենա տարածաշրջանում և աշխարհում խաղաղության և կայունության ապահովման համար:
Վարչապետ Ռեջեփ Թայիփ Էրդողանն էլ իր հերթին նշել է, որ «չնայած իսլամաֆոբիական, հակասեմական և հակաքրիստոնեական շարժումներ գոյություն ունեն աշխարհի որոշ մասերում` իսլամը, որը ծնվել է և զարգացել է այս տարածքում հազարավոր տարիներ առաջ, հիմնված է սիրո, համերաշխության, խաղաղության և հանդուրժողականության ավանդույթի հիման վրա»,- գրել է Էրդողանը: Սակայն հետագա մտքերն ակնհայտորեն հակասում են Թուրքիայի պատմության մութ շրջաններին: Օրինակ` Էրդողանը նշել է, որ այս համատեքստում, Թուրքիայի քրիստոնյա և հրեա քաղաքացիները միշտ հնարավորություն են ունեցել լավագույնս հետևելու իրենց ավանդույթներին և հավատալիքներին հարյուրավոր տարիներ շարունակ:
Ակնհայտ է, որ Թուրքիայի վարչապետը ժամանակային ընկալումների լուրջ խնդիր ունի, քանի որ «հարյուրավոր տարիներ շարունակ քրիստոնյաների ազատ ապրել են այս հողում» և «իսլամը հազարավոր տարիներ տարածված է այս հողում» ձևակերպումները ակնհայտորեն չեն համատասխանում իրականությանը: