Ադրբեջանական APA գործակալությունը հայտնում է, որ երկուշաբթի օրը ԵՄ-ն կպատասխանի Ադրբեջանի արտգործնախարարության ներկայացրած բողոքի նոտայի առնչությամբ, այս մասին հայտնել է Ադրբեջանում ԵՄ-ի ներկայացուցչության ղեկավար Ռոլանդ Կոբիան:
Հիշեցնենք, որ օրերս Ադրբեջանի ԱԳՆ-ն հանձնարարել էր ԵՄ-ի ներկայացուցչությանը ճշտել Եվրոպական խորհրդարանի պատգամավոր, Հայաստանի հարցերով հիմնական զեկուցող Տոմաշ Պորեբայի` ԼՂ այցի հայաստանյան ԶԼՄ-ների տեղեկությունները: Այս մասին հայտարարել էր Ադրբեջանի ԱԳՆ մամլո խոսնակ Էլխան Պոլուխովը` մեկնաբանելով հայաստանյան գործակալությունների տարածած տեղեկությունները Եվրոպական խորհրդարանի պատգամավորների` ԼՂ այցելության մասին տեղեկությունը: Պոլուխովը նշել էր, որ անկախ ստացված արդյունքներից` իրենք համապատասխան միջոցներ կձեռնարկեն: