Իսրայելական The Jerusalem Post թերթը, վկայակոչելով Իրանի կառավարությունում իր աղբյուրը, հայտնում է, որ Իրանի իշխանությունները մտադիր են ամեն գնով վրեժխնդիր լինել երեկ իրանցի ատոմագետ գիտնականի սպանության համար: Անգամ այն դեպքում, եթե դրա համար հարկ լինի գաղտնի օպերացիաներ անցկացնել արտերկրում։
Աղբյուրը հայտնել է, որ նա, ով պատվիրել է սպանությունը, երբեք չի կարող իրեն անվտանգ զգալ։ Նա հավելել է, որ Թեհրանը թևակոխել է իր թշնամիների դեմ հետախուզական օպերացիաների նոր դարաշրջան։
Հիշեցնենք, որ Իրանը Նաթանզում գտնվող ուրանի հարստացման ձեռնարկության փոխտնօրեն Մուսթաֆա Ահմադի Ռոշանի սպանության մեջ մեղադրել էր Իսրայելին ու ԱՄՆ-ին։
