Երգչուհի Քեթի Փերրին դարձել է People’s Choice Awards (Ժողովրդի ընտրություն) 38-րդ մրցանակաբաշխությունում ստացած մրցանակների թվով առաջատարը: Այն տեղի է ունեցել Լոս Անջելեսում հունվարի 11-ի երեկոյան:
Ինչպես հայտնում է Lenta.ru-ն, Փերին, որը ներկա չի եղել արարողության, հաղթել է հինգ անվանակարգում: Նա մրցանակ է ստացել տարվա երգ (E.T.) և տարվա տեսահոլովակ (Last Friday Night) անվանակարգերում, ինչպես նաև ճանաչվել է լավագույն կատարող և հեռուսասերիալում լավագույն «աստղ»:
Չորս մրցանակ շնորհվել է «Հարի Փոթեր և մահվան պարգևներ. Մաս 2-րդ» ֆիլմին: «Ժողովրդի ընտրության» երկու մրցանակին արժանացել են Ջոնի Դեպը և Էմմա Սթրոունը:
«Ժողովրդի ընտրություն» մրցանակակիրներին որոշում են հեռուստադիտողների և ուկնդիրների ուղիղ եթերում իրակացված քվեարկության արդյունքում, որը վերջին տարիներին անցկացվում է համացանցով:
