Bloomberg-ը և Wall Street Journal-ը, հղում անելով իրենց անանուն աղբյուրներին, հայտնում են, որ Microsoft ընկերությունը 2011 հունվարին երևան կբերի Windows օպերացիոն համակարգի նոր տարբերակը:
Windows-ի նոր օպերացիոն համակարգը նախատեսված է բջջային հեռախոսներում օգտագործելու համար, որոնք հիմնված են լինելու ARM չիպերի վրա: Փաստորեն, այն մասնավորապես կենտրոնացած է լինելու սմարթֆոններում, պլանշետներում և նոութբուկներում օգտագործվելու համար:
Նոր օպերացիոն համակարգի առանձնահատկությունն այն է լինելու, որ նվազելու է ծանրաբեռնվածությունը համակարգային ռեսուրսների վրա, ինչը կբերի էներգիայի օգտագործման նվազեցման: Նոր ՕՀ-ն, ինչպես հայտնի է, կթողարկվի 2 տարուց ոչ շուտ:
Նշենք, որ Windows ընկերությունը հիմա աշխատում է x86-ի հիմքի վրա ստեղծված պրոցեսորներով, որոնք արտադրում են Intel, AMD, Via և այլ ընկերություններ:
ARM-ը ընկած է ժամանակակից հեռախոսների մեծ մասի հիմքում: Համեմատած x86-ի՝ այն ավելի քիչ էներգիա է վատնում, որի պատճառով էլ մեծ գործածություն ունի:
Այս բազայի վրա չիպերն արտադրվում են Qualcomm, Samsung, OMAP և այլ խոշորագույն ընկերություններում։ Դրանք օգտագործվում են բջջային հեռախոսների, պլանշետների և նոութբուկերի մեծ մասում:
