Վանաձոր քաղաքում` Գ.Լուսավորիչի 38/1 հասցեում բացված «Լոռի» մասնաճյուղը 2012թ. հունվարի 11-ից սկսել է հաճախորդների սպասարկումը:
Մասնաճյուղն աշխատելու է երկուշաբթիից ուրբաթ` ժամը 9:15-17:00-ն:
«Լոռին» «Յունիբանկի» թվով երկրորդ մասնաճյուղն է Վանաձորում: Սպասարկման ժամանակակից նոր կետեր բացելով`«Յունիբանկը» հաճախորդների համար ապահովում է բանկային ծառայությունների առավելագույն հասանելիություն և արագ ու հարմարավետ սպասարկում:
«Լոռի» մասնաճյուղը կիրականացնի ֆիզիկական և իրավաբանական անձանց համալիր բանկային սպասարկում, այդ թվում` ավանդների ընդունում, սպառողական և բիզնես վարկերի, բանկային քարտերի տրամադրում, UNISTREAM դրամական փոխանցումների իրականացում, արտարժույթի փոխանակում, հաշվարկադրամարկղային սպասարկում և այլն:
Այսօր «Յունիբանկն» ունի 39 մասնաճյուղ և ներկայացուցչություն Մոսկվայում: Մանրածախ ուղղության զարգացման ռազմավարության համաձայն` բանկը կշարունակի մասնաճյուղային ցանցի ընդլայնումը: Միայն 2011թ. երեք նոր մասնաճյուղ է բացվել մայրաքաղաքում և երկուսը` մարզերում:
Այս տարի նոր մասնաճյուղերի հետ մեկտեղ «Յունիբանկը» նախատեսում է բացել նաև սահմանափակ գործառնություններով սպասարկման կետեր, որոնք կմասնագիտանան հաճախորդների հաշվարկադրամարկղային սպասարկման գործում:
