Ռուսական Regnum լրատվական գործակալության փոխանցմամբ` այսօր պաշտոնական այցով Թուրքիա է ժամանում Ղրղզստանի նախագահ Ալմազբեկ Աթամբաևը։ Այս մասին հայտնել է Թուրքիայի նախագահական ապարատը։
Պլանավորված է, որ թուրքական այցի շրջանակներում Աթամբաևը տետ ա տետ հանդիպում է ունենալու նախագահ Աբդուլլահ Գյուլի հետ, ինչպես նաև բանակցություններ է վարելու Թուրքիայի վարչապետ Ռեջեփ Էրդողանի և այլ պաշտոնյաների հետ։ Աթամբաևը ելույթ է ունենալու նաև Թուրքիայի Ազգային մեծ ժողովում (ԹԱՄԺ)։
Աթամբաևի այս այցը կնպաստի երկու երկրների հարաբերությունների զարգացմանը։ Սա Ղրղզստանի նախագահի պաշտոնում Աթամբաևի առաջին թուրքական այցն է։ Նա Թուրքիան կլքի հունվարի 15-ին։