Տեղի ունեցավ դելֆինարիումի բացման արարողությունը, որին ներկա էին փոխքաղաքապետ Կամո Արեյանը, քաղաքապետարանի աշխատակիցներ և այլք: Դելֆինարումի դիմաց հավաքվել և իրենց բողոքի ձայնն էին բարձրացնում «Թռչնասերների կենտրոն» և «Էկոդար» կազմակերպությունների նախագահներն ու անդամները. նրանք պահանջում էին ազատել և պաշտպանել դելֆիններին: Շենգավիթ համայնքի՝ դելֆինարիումի դիմաց հավաքված բնակիչները ուրախ էին, որ իրենց համայնքում բացվեց դելֆինարիում, որ իրենց երեխաները և թոռնիկները կարող են հաղորդակցվել դելֆինների հետ, բայց դժգոհում էին տոմսերի գնից՝ ասելով, որ շատ թանկ են: Ներկայացման օրերին՝ երկուշաբթիից մինչև կիրակի, 3 սեանսով, տոմսն արժե 2000-3000 դրամ, եթե փոքրիկները ցանկանում են լուսանկարվել դելֆինների հետ՝ 3000 դրամ, իսկ դելֆինների հետ լողալն ու շփվելը` 5000 դրամ: Զարմանալով և չհասկանալով բողոքի ակցիա կազմակերպողներին, փուչիկ վաճառող կինը շատ ուրախ էր, որ, ի վերջո, «իր բիզնեսը» ծաղկում կապրի. ի դեպ, փուչիկները 300 դրամ էին:
