2012 թվականին Չինաստանը ներդնելու է ավելի քան 64 միլիարդ յուան (10,13 միլիարդ դոլար) գետերի հունը հարավից դեպի երկրի չորային հյուսիս տեղափոխելու ծրագիրն իրականացնելու համար: Այս մասին հայտնում է ИТАР-ТАСС գործակալությունը` վկայակոչելով Չինաստանի պետական խորհրդի այս ծրագրի ղեկավար Ե Ցզինպին:
Ավելի քան 77 միլիարդ դոլար արժողությամբ «գետերի շրջադարձ» նախագիծը հաստատվել էր 2002 թվականին: Այն նախատեսում է Արևելյան, Կենտրոնական և Արևմտյան ջրանցքների ցանցի կառուցում, որով դեպի հյուսիս են հոսելու Յանցզի, Խուայխե, Խուանխե և Խայխե գետերի ջրերը: Աշխատանքները իրականցվելու են 50-60 տարվա ընթացքում: 1,3 հազար կմ երկարությամբ ջրանցքների շինարարությունից հետո չոր հյուսիսը տարեկան ստանալու է մոտ 50 միլիոն խորանարդ ջուր:
Ներկայումս կառավարությունն այս ծրագրի իրականացնելու համար արդեն ներդրել է 137,6 միլիարդ յուան (21,8 միլիարդ դոլար), իսկ 2011 թվականին ներդրումները կազմել են 57,8 միլիարդ յուան (9,1 միլիարդ դոլար): Վերջին մի քանի տարիների ընթացքում այս շրջաններից տարհանվել է մոտ 330 հազար մարդ: 2012 թվականին նոր բնակավայրեր է տեղափոխվելու մոտ 1,5 հազար մարդ: Կենտրոնական ջրանցքների շինարարությունը սկսվելու է 2014 թվականին, իսկ արևելյաններինը` 2013-ին:
