Ինտերնետի միլիարդավոր դոլարների օգուտները

Այս տարի ինտերնետում ամենաարագ աճող ընկերություններն են Facebook-ը, Groupon-ն ու Twitter-ը:
Այս մասին հաղորդում է gazeta.ru կայքը: Ոչ պաշտոնական տվյալներով, Facebook 2010 թ. կաշխատի $2 մլրդ: Այդ ընկերությունը չի հրապարակում իր տվյալները, իսկ այս հաշվարկները կազմել են Financial Times-ի փորձագետները:
Ըստ նույն փորձագետների՝ Groupon ընկերությունը, որը տրամադրում է զեղչեր, Facebook-ի ցուցանիշին կհասնի հաջորդ տարի: 2010 թ. Twitter միկրոբլոգերի կայքն աշխատել է $170 մլն, իսկ 2013 թ. այդ թիվը նախատեսված է հասցնել $1,5 մլրդ-ի:
Այս տարի Twitter ընկերության կապիտալիզացիան հասել է $3,7 մլրդ-ի, այնինչ անցած տարի այն արժեր 4 անգամ պակաս:
Որոշ տվյալներով, Facebook-ի կապիտալիզացիան հասել է 50 մլրդ-ի, այնինչ, անցած տարի այդ թիվը 1,5 անգամ պակաս էր: Նույն Groupon-ի գինը երեք անգամ է աճել` հասնելով $4,8 մլրդ-ի: Վերջինիս կապիտալիզացիայի ավելացմանը նպաստել է այն փաստը, որ Google-ն է հայտարարել այդ կայքի գման մասին: