Ամերիկյան Նյու Հեմփշիր նահանգում ԱՄՆ նախագահի թեկնածուի նախնական ընտրություններում Հանրապետական կուսակցությունից հաղթանակ է տարել Մասաչուսեթսի նախկին նահանգապետ Միթ Ռոմնին:
Ինչպես հաղորդում է BBC-ն, քվեաթերթիկների 80%-ի հաշվարկով՝ Ռոմնին հավաքել է ձայների 38%-ը: Նրան 23%-ով հաջորդում է Տեխասից կոնգրեսական Ռոն Փոլը: Յութայի նախկին նահանգապետ Ջոն Հանթսմենը հավաքել է ձայների 17%-ը:
Ընտրատեղամասերի փակվելուց 20 րոպե անց ելույթ ունենալով իր կողմնակիցների առաջ՝ Ռոմնին շնորհակալություն է հայտնել բոլորին իրեն աջակցելու համար:
