ԱՄՆ իշխանությունները Ֆլորիդա նահանգում ահաբեկչություն են կանխել: Ինչպես հաղորդում է ИТАР-ТАСС-ը, արդարադատության նախարարության պաշտոնական ներկայացուցիչը հայտնել է, որ ծնունդով կոսովցի տղամարդը պատրաստվում էր հարձակում իրաանացնել շրջանի գլխավոր զբոսաշրջային կենտրոններից մեկում՝ Տամպա քաղաքում:
25-ամյա Սամի Օսմակաչը ձերբակալվել է շաբաթ օրը: FBI-ը նրա հետքի վրա է ընկել սեպտեմբերին: Արդեն դեկտեմբերի 21-ին Օսմակաչը հանդիպել է հատուկ ծառայութան գործակալի հետ, որը ներկայացել է որպես զենք վաճառող: Գործակալությունը գրում է, որ կասկածյալը պատրաստվում էր գնել ինքնաձիգ, ատրճանակ-գնդացիր, մի քանի նռնակ և մահապարտի գոտի:
Օսմակաչը նաև հետաքրքրվել է՝ արդյոք հնարավո՞ր է ռումբ պատրաստել, որը նա պատրաստվում էր տեղադրել երեք ավտոմեքենաների մեջ և պայթեցնել հեռակառավարմամբ:
Հետաքննության տվյալներով՝ պայթյուններից հետո կասկածյալը պատրաստվում էր հացնել հաջորդ հարվածը՝ օգտագործելով ձեռք բերված զենքը: Նա նաև պատրաստվում էր պատանդներ վերցնել:
Ընդհանուր մեղադրանքներով՝ Օսմակաչին սպառնում է ցմահ բանտարկություն և 250 հազար դոլար տուգանք:
