Հյուսիսային Կորեայի պետական լրատվամիջոցն այսօր հայտնել է, որ երկու մահացած առաջնորդների ծննդյան տարեդարձների առիթով, նրանց հարգանքի տուրք մատուցելու նպատակով, դատապարտվածներին հատուկ ներում կշնորհվի: Associated Press-ը հաղորդում է, որ նման բան արվում է վերջին 6 տարիների ընթացքում առաջին անգամ:
Ներում շնորհելու մասին որոշումը առաջ եկավ հենց այն ժամանակ , երբ Հյուսիսային Կորեայի նոր առաջնորդ Կիմ Չեն Ունը փորձում է ամրապնդել իր իշխանությունը հոր` Կիմ Չեն Իրի մահվանից հետո: Չնայած Կիմ Չեն Ունը բավական երիտասարդ է, բայց նա արդեն համարվում է երկրի գերագույն առաջնորդը:
Կորեայի կենտրոնական լրատվական գործակալության հաղորդմամբ՝ Գերագույն ժողովրդական ժողովի նախագահությունը հայտնել է, որ ներումները կսկսեն շնորհվել փետրվարի 1-ից: Հյուսիսային Կորեան սակայն չի հայտնել, թե որ մեղքերի համար է ներում շնորհվելու, և թե քանի բանտարկյալ է ազատ արձակվելու:
