Արտակ Դավթյանի դրականն ու բացասականը

ԱԺ Կրթության, գիտության, մշակույթի, երիտասարդության և սպորտի հարցերով հանձնաժողովի նախագահ Արտակ Դավթյանը անցնող 2010-ը դինամիկ շարժման տարի անվանեց:
Արտաքին քաղաքականության ոլորտում, Դավթյանի կարծիքով, դրական առաջընթաց էր այն, որ ՀՀ իշխանությունների և միջազգային հանրության կարծիքները չտարանջատվեցին. «Տարվա ընթացքում եռանախագահող երկրները և համապատասխան պաշտոնատար անձինք հայտարարում էին այն, ինչ անընդհատ ասվում և քննարկվում էին Հայաստանում: Մասնավորապես` ԼՂ հակամարտության լուծման և երեք առանցքային սկզբունքները ընկալվում են որպես մեկ ամբողջություն, ինչի վերջակետը դրվեց դեկտեմբերի սկզբին ԵԱՀԿ գագաթաժողովի ընթացքում, երբ ամբողջովին ասվեց այն, ինչը մեր սպասելիքների և ակնկալիքների շրջանակում էր»:
Արտակ Դավթյանը կարևորեց տարեսկզբին հայ-թուրքական արձանագրությունների կասեցումը, որը ևս ընդգծեց Հայաստանի դիրքորոշման ընկալելի լինելը:
Արտաքին քաղաքական ոլորտում ոչ դրական միտումներն, ըստ Դավթյանի, Ադրբեջանի և նրա ավագ եղբոր կողմից սանձազերծված տեղեկատվական պատերմազմն էր:
Ներքաղաքական ոլորտում 2010-ն ՀՀԿ-ական պատգամավորի համար կայունության ամրապնդման տարի էր: Իսկ ներքաղաքական բացասական երևույթն, ըստ Դավթյանի, ՀԱԿ-ի անպատրաստակամությունն է երկխոսության սեղանի շուրջ նստելու: