«Ամենալավ ցանկությունների դեպքում էլ լավ բաներ ընթացիք տարվա մասին հնարավոր չէ ասել»,-ամփոփելով 2010 թվականը` այսօր հայտարարեց ԱԺ ՀՅԴ խմբակցության քարտուղար Արտյուշա Շահբազյանը: «Տնտեսական անկում, աղքատության մեծացում, համատարած հիասթափություն»,- անցնող տարին այսպես է բնութագրում Արտյուշա Շահբազյանը: Խոսելով ՀՀ ներքաղաքական և արտաքին քաղաքականության իրավիճակի մասին` նա նկատեց, որ ընթացիք տարին լի էր վտանգավոր իրադարձություններով, որոնց մտահոգություններով էլ մենք մուտք ենք գործում 2011 թվական: Իսկ ներկա իրավիճակում ՀՀ իշխանությունների առջև ծառացած խնդիրները լուծելու միակ ելքը, ըստ Շահբազյանի, որակական և համակարգային իշխանությունն է: