Բրիտանական տեսակի զատիկները գտնվում են ոչնչացման եզրին: Ուտելիք չունենալու պատճառով, այսպես կոչված, ասիական զատիկները հարձակում են գործել բրիտանական տեսակի զատիկների վրա: Այս մասին գրում է The Independent թերթը:
Ասիական բզեզները կարողանում են ոչնչացնել բույսերի համար վտանգավոր միջատներին, այդ պատճառով նրանց սկսել են բուծել ԱՄՆ-ում ու Եվրոպայում:
Այս որոշումը վտանգավոր է դարձել բրիտանական տեսակի բզեզների համար: Ասիական բզեզներին Մեծ Բրիտանիա են տեղափոխել 2004 թվականից, սակայն արդեն այդ ժամանակ գիտնականները կանխատեսում էին վտանգը: Այժմ նրանք տարածվել են ամբողջ երկրի տարածքում:
«Նրանց արագ բազմանալն ու տարածվելը անհանգստություն է առաջացնում»,- ասել է Էկոլոգիայի ու հիդրոլոգիայի կենտրոնի տնօրեն Հելեն Ռոյը:
