Ինչպես փոխանցում է թուրքական Today’s Zaman թերթը, Թուրքիայի արտգործնախարար Ահմետ Դավութօղլուն, խոսելով «հայկական հարցի» մասին, երկխոսության կոչ է արել:
Նա ողջունել է ԱՄՆ Կոնգրեսում «հայկական» բանաձևը օրակարգ չմտցնելը` ասելով, որ ժամանակն է վերականգնել քննարկումները Հայաստանի հետ:
«Մենք շնորհակալ ենք, որ երեկ Կոնգրեսում չեղավ այնպիսի զարգացում, որը կարող էր վնասել թուրք-ամերիկյան և թուրք-հայկական կապերին»:
Նա ասել է, որ երրորդ երկրների կողմից պատմության վերաբերյալ բանաձևերի անցկացման փորձերի օգտագործումը՝ որպես Թուրքիայի դեմ խաղաքարտ, անընդունելի է: Ըստ Դավութօղլուի՝ «Այդպիսի փորձերը ժամանակի և էներգիայի անպետք վատնում են»: «Եկել է ժամանակը երկխոսության և փոխզիջման: Մենք պետք է ավելացնել ջանքերը, որոնք խաղաղություն են բերում տարածաշրջանին»,- ավելացրել է նա:
Նա նաև կրկնել թուրքական արտաքին քաղաքական գերատեսչության քաղաքականության այն դրույթը, թե պետք է նաև առաջընթաց արձանագրել Հայաստան-Ադրբեջան հարաբերություններում և կարգավորել Ղարաբաղի հիմնահարցը: