Այսօր հրավիրված ասուլիսի ընթացքում անդրադառնալով իր պաշտոնանկության մասին խոսակցություններին՝ գյուղնախարար Գերասիմ Ալավերդյանն ասաց, թե այդ մասին չի ցանկանում խոսել՝ պատճառաբանելով, որ դա քաղաքական որոշում է: «Ես իմ կուսակցության զինվորն եմ, և որտեղ իմ կուսակցությունը իմ գործունեությունը տեսնի, այնտեղ էլ կաշխատեմ, իսկ այս պահին իմ պաշտոնանկության շուրջ խոսակցություններ չկան»,- վստահեցրեց Գերասիմ Ալավերդյանը: Ի դեպ, գյուղնախարարը ասուլիսը հրավիրել էր ներքին կարգով և հրավիրել էր այն լրագրողներին, որոնք անսպասելի հարցեր չէին ուղղի,սակայն սակավաթիվ լրագրողների հաջողվել էր հեռու և մոտ ծանոթներից իմանալ ասուլիսի մասին: