Reuters գործակալության փոխանցմամբ, Ճապոնիան և Թուրքիան ստորագրել են հուշագիր, որով կողմերը պետք է համագործակցեն Թուրքիայում երկրորդ ատոմակայանի կառուցման շուրջ: Այս մասին ասել է Ճապոնիայի առևտրի նախարարը:
Ճապոնիան և Թուրքիան որոշել են համաձայնության հասնել երեք ամսվա ընթացքում Սև ծովի առափնյա Սինոպ քաղաքում,- Ճապոնիայի առևտրի նախարարի հետ համատեղ հայտարարության մեջ ասել է Թուրքիայի էներգետիկայի նախարար Թաներ Յիլդիզը:
Այս ատոմակայանը կունենա 5,6 մեգավատ հզորություն, կսկսի գործել 2019 թ.: Ըստ փորձագետների՝ այն կարժենա 10 մլրդ դոլար: