Այսօր տասնյակ հազարավոր հարավաֆրիկացիներ, վանկարկելով և Աֆրիկյան ազգային կոնգրեսի կանաչ ու ոսկեգույն գույները ծածանելով, նշում էին Աֆրիկայի ամենահին ազատագրական շարժման 100–ամյակը, չնայած որ որոշ հարավաֆրիկացիներ ասում են, որ կուսակցությունը չի կատարել իր խոստումները՝ սկսած այն ժամանակից, ինչ իշխանության գլուխ է անցել 1994 թվականին:
Տասնյակ աֆրիկացի առաջնորդներ և նախկին ղեկավարներ, ինչպես նաև աֆրիկացի թագավորներ ու ցեղային առաջնորդներ ներկա են գտնվել կեսգիշերին տեղի ունեցած արարողությանը, որի ընթացքում նախագահ Յակոբ Զուման վառել է ճրագը, որը վառ կմնա ողջ տարվա ընթացքում՝ Wesleyan եկեղեցու տանիքում, որտեղ 1912 թ. սևամորթ մտավորականները և ակտիվիստները հիմնադրել էին կուսակցությունը:
Associated Press-ը հաղորդում է, որ արարողությանը հիվանդության պատճառով չէր մասնակցում Հարավային Աֆրիկայի առաջին սևամորթ նախագահ Նելսոն Մանդելան, ով ընդամենը 6 տարով է երիտասարդ շարժումից: Աշխարհահռչակ Մանդելան 27 տարվա ազատազրկման էր ենթարկվել սպիտակամորթ ռասիստ կառավարության կողմից, իսկ նրա կազմակերպությունն ԱՄՆ-ի կողմից համարվել էր ահաբեկչական խումբ:
