«Ֆուկուսիմա» ԱԷԿ-ի վթարի հետևանքով տարհանված 25 հազար բնակիչներ կկարողանան հետ վերադառնալ միայն 5 տարի հետո: Այս մասին հայտնում է ИТАР-ТАСС-ը:
Կառավարության տվյալների համաձայն՝ տեղահանվել են «Ֆուկուսիմա» ԱԷԿ-ի մոտ գտնվող յոթ բնակեցված տարածքներ: Նշված վայրերում իրականացվելու են աշխատանքներ՝ ճառագայթումն ապաակտիվացնելու ուղղությամբ: Որոշ մասնագետներ գտնում են, որ «Ֆուկուսիմա»–ին մոտ գտնվող մի քանի տարածքներ հնարավոր է՝ միայն 20 տարի հետո պիտանի լինեն բնակություն հաստատելու համար:
Ներկայումս Ճապոնիայի կառավարությունը ցանկանում է կազմակերպել բնակիչների վերադարձը այն տարածքներ, որտեղ ճառագայթումը հասնում է նվազագույնի: