Հայաստանի ազգային հավաքականի և Դոնեցկի «Շախտյոր»-ի կիսապաշտպան Հենրիկ Մխիթարյանն ակումբի պաշտոնական կայքին հարցազրույց է տվել, որտեղ պատմել է, թե ինչպես և որտեղ է անցկացրել իր արձակուրդը.
«Հիմա ես գտնվում եմ տանը` Երևանում: Արձակուրդս լավ է ընթանում: Գրեթե ողջ ժամանակս անցկացնում եմ հարազատներիս և ընկերներիս հետ: Դեկտեմբերի 17-27-ը գտնվում էինք Դուբայում: Այնտեղ հիանալի ժամանակ անցկացրինք:
Ամանորը դիմավորեցի Երևանում` ընտանիքիս անդամների և հարազատներիս հետ: Հունվարի 9-ին կվերադառնամ Դոնեցկ, իսկ հաջորդ օրը կլինեմ ակումբի տրամադրության տակ»,- նշել է Մխիթարյանը:
