Դելֆինների ընտանիքի խոշորագույն 25 գրինդ հայտնվել է Նոր Զելանդիայի Հարավային կղզու հյուսիսարևմտյան ափին:
Ինչպես հայտնում է Associated Press գործակալությունը, սատկել է յոթ գրինդ: Փրկարարներին հաջողվել է 18 կենդանու հետ ուղարկել օվկիանոս: Դեպքը տեղի է ունեցել հունվարի 7-ին:
Բարձր մակընթացությունը ողջ մնացած գրինդներին ափից հեռու է տարել, սակայն բնապահպանական գերատեսչությունում նշում են, թե մեծ է վախը, որ գրինդները կրկին կարող են հայտնվել ափին:
Փրկարարները և կամավորները շարունակում են հերթապահել Հարավային կղզու ափերին` գրինդներին կրկին ափին հայտնվել «թույլ չտալու», ինչպես նաև անհրաժեշտության դեպքում կենդանիներին օգնություն ցույց տալու համար:
Նոր Զելանդիայի հարավում արդեն մեկ անգամ չէ, որ գրանցվել է ափին հայտնված գրինդների զանգվածային մահ: Այսպես, 2011 թվականի փետրվարին Ստյուարտ կղզում սատկեց 107 գրինդ:
Մասնագետները ենթադրում են, որ գրինդները ափ են նետվում Նոր Զելանդիայի հարավային ափամերձ տարածքում ճիշտ չկողմնորոշվելու պատճառով:
