Vesti.Az-ի փոխանցմամբ, Վաշինգտոնում` «Ամերիկայի առաջընթացի» կենտրոնում, տեղի է ունեցել քննարկում, որի թեման է եղել ԱՄՆ քաղաքականությունը Սեւծովյան ավազանում եւ Միջին Ասիայում:
Խորհրդաժողովին մասնակցել են հայտնի փորձագետներ, Ռուսաստանի եւ Եվրասիայի կենտրոնի ղեկավար Սամյուլ Չարապը, Ատլանտյան խորհրդի Եվրասիական կենտրոնի գլխավոր փորձագետ Ալեքսանդեր Փիթերսենը, Բրուքինգսի համալսարանի «ԱՄՆ եւ Եվրոպայի» կենտրոնի տնօրեն Ֆիոնա Ֆիլը:
Քննարկվել են ԱՄՆ քաղաքականության հարցերը եվրասիական տարածաշրջանում, իսկ այդ քաղաքականության գագաթնակետը եղավ Բաքու-Թբիլիսի-Ջեյհան նավթամուղի շահագործումը: Միաժամանակ, մասնակիցները քննադատել են ԱՄՆ վարած քաղաքականությունը վերջին տարիների ընթացքում:
Քննարկվել են նաեւ հայ-թուրքական եւ հայ-ադրբեջանական կարգավորման հարցեր: Մասնակիցները մտահոգություն են հայտնել այն կապակցությամբ, որ Ադրբեջանի եւ Հայաստանի միջեւ իրավիճակը կարող է դուրս գալ վերահսկողությունից: Հիլն ասել է, որ Եվրոպայում իր անցկացրած հանդիպումների ժամանակ կարծիքներ են հնչել, որ հայ-ադրբեջանական հակամարտությունը կարող է դուրս գալ վերահսկողությունից: Ադրբեջանում կարծում են, որ իրենք ավելի ուժեղ են, քան Հայաստանում, իսկ Հայաստանում` որ ժամանակն իրենց օգտին է աշխատում:
Մասնակիցները կարծում են, որ ԱՄՆ քաղաքականության հստակեցումը կօգնի տարածաշրջանին:
