Վրաստանում կառավարությունը ոստիկաններին ապահովում է նորագույն տեխնոլոգիաներով: Պարեկային ոստիկանության հինգ հազար ներկայացուցիչներ կստանան համակարգիչներ:
Polispad համակարգիչները միացված կլինեն Ներքին գործերի նախարարության տեղեկատվական բաժնին և ավելի կհեշտացնեն ոստիկանների աշխատանքը:
Նշենք, որ այս համակարգիչներն արտադրվում են Վրաստանի «Ալգորիթմ» գործարանում: Աշխարհում առաջին անգամ է, որ նման տեխնոլոգիաները օգտագործվելու են ոստիկանության ոլորտում:
ГРУЗИЯ ONLINE-ը նշում է, որ համակարգիչներն արտոնագրված են, և եթե այլ երկրներում ցանկանան օգտագործել դրանք, ապա պետք է թույլտվություն հարցնեն Վրաստանից:
