Քաղաքական գործընթացներին` ընտրություններին, մասնակցելու կողմնակից եմ: «Առաջին լրատվական»-ի հետ զրույցում ասաց Հայաստանի լիբերալ կուսակցության նախագահ, ՀԱԿ ներկայացուցիչ Հովհաննես Հովհաննիսյանը` մեկնաբանելով «Սարդարապատ» նախաձեռնության այն կոչը, որով նախաձեռնության անդամները կոչ են անում չմասնակցել գալիք խորհրդարանական ընտրություններին:
«Ես քաղաքական գործընթացների և երկրում փոփոխություններ իրականացնելու կողմնակից եմ, իսկ դա «Սարդարապատ»-ի կարծիքն է, որը, որպես կարծիք, հնչելու իրավունք ունի, բայց ՀԱԿ-ն, իհարկե, որոշում կկայացնի: Անձամբ ես, որպես քաղաքական գործիչ, քաղաքական գործընթացներին մասնակցելու կողմնակից եմ»,- ամփոփեց Հ. Հովհաննիսյանը:
