Ինչպես հաղորդում է RBC-ն` հղում անելով «Аргументы недели» թերթին, ամերիկյան իշխանությունների կողմից զենքի անօրինական վաճառքի մեջ մեղադրվող և ամերիկյան բանտում գտնվող Վիկտոր Բուտը կարող է փոխանակվել «ՅՈւԿՈՍ» ընկերության նախկին սեփականատեր Միխայիլ Խոդորկովսկու հետ, ով Ռուսաստանում մեղադրվում է աննախադեպ չափերի հասնող նավթի հափշտակության մեջ:
Թերթը նաև հայտնում է, որ «փոխանակման հիմնադրամն» արդեն սպառվել է, և միայն Խոդորկովսկին է մնացել, որ կարող է դեռ փոխանակվել: Մինչ այդ Խոդորկովսկին հայտարարել էր, որ չի ցանկանում լքել երկիրը, սակայն նաև ավելացրել էր, որ երկրորդ դատավարության ընթացքում նրան ևս 14 տարի ավելացնելու դեպքում, նա կմտածի երկիրը լքելու առաջարկի վրա:
Հիշեցնենք նաև, որ Բուտը մի քանի ամիս գտնվում էր թայլանդական բանտում, այնուհետև նա արտահանձնվեց ամերիկյան իրավապահներին:
