2011 թվականին ադրբեջանական կողմը ցանկանում է Հայաստանի հետ համաձայնության հասնել ղարաբաղյան հակամարտության կարգավորման գործընթացում, այս մասին ANS TV-ին տված հարցազրույցում հայտարարել է Ադրբեջանի արտգործնախարար Էլմար Մամեդյարովը, հայտնում է Regnum-ը:
«Շարունակում ենք աշխատել Մադրիդյան նորացված փաստաթղթի վրա: Մադրիդյան սկզբունքները առաջին անգամ ներկայացավել են համանախագահների կողմից 2007-ին, իսկ 2009-ին մշակվեց նորացված տարբերակը: Հաջորդ տարի, հնարավորության դեպքում, մենք ցանկանում ենք հասնել համաձայնության, այսինքն` ավարտին հասցնենք այդ հարցը և հաստատենք ծրագիրը: Համանախագահները ներկայացրել են 14 սկզբունքներից վեցը: Տեղեկացնենք, որ ադրբեջանական կողմը ըստ էության ընդունել է Մադրիդյան սկզբունքները: Հայկական կողմը չի ընդունում որոշ պահերը: Ցանկանում ենք վերացնենք այդ խնդիրը և սկսենք աշխատանքը խաղաղ համաձայնագրի շուրջ»,- հայտարարել է Է.Մամեդյարովը:
Նա հիշեցրել է, որ հունվարին կողմերին կներկայացվի ԵԱՀԿ փաստահավաք խմբի զեկույցը: Ինչպես նշել է Մամեդյարովը, ներկա ստատուս-քվոյի պահպանումը անհնար է. «Ոչ ոք դրա հնարավորությունը չի տա: Մենք արագ տեղաշարժ ենք ակնկալում: Տեղաշարժի իրականացումը հետևյալն է` Ադրբեջանի գրավյալ տարածքներից Հայաստանի հետ քաշումը» :