Այս տարի Հայաստանում ստեղծագործական միությունների կողմից ստեղծված խորհուրդը իրենց գործունեությունը լուսաբանող լրագրողների համար սահմանել են «Գեղանք» և «Կեղանք» մրցանակները: «Գեղանք» մրցանակի արժանացել են այն լրագրողները, ովքեր անաչառ են լուսաբանել հանրապետության մշակութային կյանքը և ստեղծագործական միությունների հանդեպ դրսևորել են անկողմնակալ վերաբերմունք: Այդ մրցանակին արժանացան «Դե ֆակտո իրատես» թերթը և «Հ1» լրագրող Ջուլիետա Կաժոյանը:«Կեղանք» մրցանակը տրվում է այն լրագրողներին, ովքեր խեղաթյուրում են ստեղծագործական միությունների գործունեությունը և ապատեղեկատվություն են տարածում: Այս տարվա «Կեղանք» մրցանակը շնորհվեց «Ազատամտություն» և «Հայոց աշխարհ» օրաթերթի լրագրող Կիմա Եղիազարյանին, ում դեմ ստեղծագործական միությունների ղեկավարները դատական հայց էին ներկայացրել և շահել դատը: Իսկ Գրողների միության քարտուղարության կողմից սահմանված «Մեծ կեղանք» մրցանակը շնորհվեց ՀԳՄ անդամ Աբգար Ափինյանին: Նշենք` «Կեղանք» անվանակարգի համար սահմանված մրցանակը իրենից ներկայացնում է 1937 թվականին թողարկված ստալինյան երեքռուբլիանոց թղթադրամ և դիպլոմ: