Այսօր լրագրողների հետ հանդիպման ժամանակ Հայրենական ապրանք արտադրողների միության նախագահ, Հանրային խորհրդի ֆինանսատնտեսական հարցերի հանձնաժողովի նախագահ Վազգեն Սաֆարյանը նշեց,թե ինչ հարցեր են միության ներկայացուցիչներն ու արտադրողները բարձրացրել օրերս վարչապետ Տիգրան Սարգսյանի հետ կայացած հանդիպման ժամանակ: Ըստ նրա` իրենք խոսել են «Պերդիտ» գործարանի մասին, որը վերջերս սեփականաշնորհվել է, բայց չի աշխատում, Քարակերտի մասին, Նաիրիտի վարկավորման մասին,հայ-էլեկտրոմեքենայի մասին և մի շարք այլ հարցերի մասին: Ըստ Սաֆարյանի` իրենք առաջարկել են վարչապետին առնվազն 2-3 տարով հետաձգել «Ջերմուկ» բրենդը միայն մեկ կազմակերպության տալու նախաձեռնությունից: