Արման Մելիքյան. Հայ-թուրքական գործընթացի մահը ուժեղացրեց Կոնգրեսին

Կոնգրեսի օրակարգում Ցեղասպանության բանաձևի ներմուծմանը պետդեպարտամենտը կարծես լուրջ դիմադրություն չէր ցուցաբերում, և, առհասարակ, բանաձևի շուրջ աղմուկը անհամեմատ ավելի փոքր էր, քան այն ժամանակ, երբ այդ բանաձևի ընդունումը կապվում էր հայ-թուրքական գործընթացի տապալումը պատժելու գաղափարի հետ: Այս մասին մեզ հետ զրույցում այսօր նշեց Լեռնային Ղարաբաղի նախկին արտգործնախարար Արման Մելիքյանը: Նրա խոսքերով, բարեբախտաբար, գործընթացը կարծես մահացած է, հետևաբար բանաձևին այն նշանակությունը չի տրվում, ինչ տրվում էր նախորդ անգամ: Նա նաև Ցեղասպանության բանաձևի՝ օրակարգից դուրս մղումը միանշանակորեն չի կապում վիկիլիկսյան դեպքերի հետ՝ պատճառաբանելով, որ աշխարհի ողջ անցուդարձը չարժե կապել Wikileaks-ի հետ: Հակառակ դեպքում մի իրավիճակ է ստեղծվում, երբ փորձում են պոչը շնից առաջ գցել: