Երեկ Ստամբուլում փակ դռների հետևում կայացել է Թուրքիայի նախագահ Աբդուլա Գյուլի և Ադրբեջանի նախագահ Իլհամ Ալիևի հանդիպումը,- հաղորդում է Anadolu լրատվական գործակալությունը:
Հիշեցնենք, որ Ստամբուլում անց է կացվում Տնտեսական համագործակցության կազմակերպության գագաթնաժողովը, որին մասնակցում է Ադրբեջանի նախագահը:
Ադրբեջանական գործակալությունների փոխանցմամբ`հանդիպմանը կողմերը վստահություն են հայտնել բարեկամական, եղբայրական կապերի զարգացման առնչությամբ, քննարկվել է երկու երկրների միջև կապերի ամրապնդումը, այդ թվում՝ էներգետիկ ոլորտում համագործակցությունը: Հանդիպմանը քննարկվել է նաև ղարաբաղյան հակամարտության կարգավորման հարցը: