Այսօր Հայ դատի ամերիկյան գրասենյակի պաշտոնական կայքում հրապարակվել է մի հաղորդագրություն, որում նշվում է. «…չնայած ԱՄՆ Ներկայացուցիչների պալատում երկու կուսակցության ներկայացուցիչներն էլ պատրաստ էին քվեարկել Հայոց ցեղասպանության վերաբերյալ թիվ 252 բանաձևի օգտին, պալատի խոսնակ Նենսի Փելոսին այսօրվա նստաշրջանը թողեց առանց մարդու իրավունքներին վերաբերող օրենսդրության քվեարկության:
Շատ կարևոր է, որպեսզի խոսնակը լսի ձեր կարծիքը Հայոց ցեղասպանության վերաբերյալ բանաձևի նկատմամբ իր որոշման մասին»:
Գրասենյակը կոչ է անում կրկին Փելոսիին նամակ հղել, որը Հայ դատը խոստանում է փոխանցել Ներկայացուցիչների պալատի խոսնակին: