23-ամյա երգչուհի Ռիհաննան գրավել է գովազդային աշխարհի ներկայացուցիչների սրտերը:
Արմանիի ներքնազգեստի նրա հիանալի գովազդները 2011 թվականին համարվել են ամենասեքսուալը։
Գովազդային արդյունաբերության ղեկավարները մասնակցել են Advertising Age ամերիկյան ամսագրի անցկացրած հարցմանը, որի արդյունքում Ռիհաննան գլխավորել է լավագույն տասնյակը: Ամսագիրն ավելացրել է. «Ռիհաննան չափազանց սեքսուալ է: Նա երբեք այսքան լավ տեսք չի ունեցել: Նրա լուսանկարները ցնցող են»:
Երկրորդ տեղում է Victoria’s Secret-ի մոդել Միրանդա Քերը, ով ծննդաբերությունից ընդամենն ամիսներ անց վերադարձել է աշխատանքի` ցուցադրելով իր ընդհանրապես չփոխված հիանալի կազմվածքը:
Երրորդ տեղում բրիտանացի սուպերմոդել Քեյթ Մոսն է: Տասնյակում տեղ են գտել նաև Իրինա Շեյքի, Հեյդի Քլումի, Պամելա Անդերսոնի լուսանկարներով գովազդները:












































