Մարկո Հուկի հաղթանակից հետո գերմանական Welt.de պարբերականը փորձեց մարզիչ Ուլի Վեգներից ճշտել, թե ինչպես են նրա մյուս սանի` Արթուր Աբրահամի գործերը: «Չեմ կարողանում խոսքեր գտնել նրա «խայտառակ» ելույթն արդարացնելու համար: Դա իմ սպորտային կարիերայի ամենամեծ հիասթափությունն էր: Մարկո Հուկի հաղթանակով Արթուրի պարտությունն ավելի տանելի չի դառնում: Վատն այն է, որ նա մինչև հիմա չի պատկերացնում, թե ինչպես է «քաշել» մեզ և ամենակարևորը` ինքն իրեն: Արթուրը միշտ ասում է, որ լսում է իր մորն ու մարզչին, բայց ես խոստովանում եմ, որ ամբողջապես կորցրել եմ վերահսկողությունը նրա նկատմամբ: Չեմ ափսոսում, որ նրան նախատել եմ: Շարունակելու եմ քննադատել, քանի դեռ ուշքի չի եկել: Արթուրն իր սխալներն ուրիշների մեջ է փնտրում: Նա ազնիվ պետք է լինի իր նկատմամբ, այլապես մեր հետագա համագործակցությունն անիմաստ կլինի: Հուկի մենամարտի նախօրեին ես ու Վիլֆրիդ Զաուրլանդը խոսել ենք Արթուրի հետ, բայց պարտությունից հետո դեմ առ դեմ չեմ խոսել նրա հետ: Իրավիճակն ավելի հստակ կդառնա, երբ ես առանձին խոսեմ Արթուրի հետ: Նրան միայն փողն է հետաքրքրում. ես առաջարկեցի Արթուրին կիսաեզրափակիչից առաջ միջանկյալ մենամարտ անցկացնել: Նրա առաջին հարցն այն էր, թե ինչքան գումար կվաստակի: Պատասխանեցի, որ նրա փոխարեն ես անվճար կմենամարտեի: Իհարկե, ես չեմ թողնի, որ նա ընկնի, սակայն հիմա նա անդունդի եզրին է»:
