Առաջին տարին չէ, երբ չեկիստի օրը Ռոբերտ Քոչարյանը հանդիպում է Վլադիմիր Պուտինի հետ: Ավելին Պուտինի համար հասկանալի է, քանի որ նա չեկիստ է, բայց թե ինչու է Քոչարյանը այդ օրը հայտնվում Վլադիմիր Պուտինի մոտ, հարց է: Այսօր այս մասին մեզ հետ զրույցում նշեց «Նոր ժամանակներ» կուսակցության նախագահ Արամ Կարապետյանը: Նա կանխատեսեց, որ հանդիպմանը քննարկվել են տնտեսական հարցեր, ինչպես նաև Տիգրան Սարգսյանի հետ հանդիպումից առաջ փորձ է արվել ցույց տալու, որ Ռոբերտ Քոչարյանի և Վլադիմիր Պուտինի հարաբերությունները շարունակվում են պահպանվել: «Այդ համակարգը Պուտինն է ժամանակին ստեղծել. հիմա ինչ-որ մարդիկ դուրս են բերվում քաղաքական դաշտ կամ գնում են: Համակարգն այժմ որոշ խնդիրներ ունի, ինչ-որ խնդիրներ պայմանավորված են Վիկիլիկսի բացահայտումներով, ինչ-որ խնդիրներ` Ադրբեջանի հետ են կապված»,- մանրամասնեց Արամ Կարպետայանը և ավելացրեց, որ Քոչարյանը նաև հետաքրքրվել է, թե ինչ է լինելու ԲՀԿ-ի իր նախարարների և Դաշնակցության, այսինքն` իր քաղաքական ռեսուրսների հետ:
