Քիչ առաջ ավարտվել է Հայ ազգային կոնգրեսի քաղխորհրդի նիստը, որտեղ քննարկվել է կոնգրեսի ամանորյա միջոցառումների ցանկը: Դեկտեմբերի 24-ին կկայանա կոնգրեսի այս տարվա վերջին ակցիան գլխավոր դատախազության շենքի դիմաց: Քաղխորհրդի նիստում քննարկվել է այդ ակցիային կոնգրեսի անդամ կուսակցությունների ակտիվ մասնակցության հարցը: Քաղխորհրդի այսօրվա նիստին մասնակցել է նաև ԵԽԽՎ-ում Հայ ազգային կոնգրեսի ներկայացուցիչ Արման Գրիգորյանը, որը պատասխանել է քաղխորհրդի անդամների հարցերին, պարզաբանումներ է տվել եվրոպական կառույցներում կոնգրեսի կողմից արված աշխատանքների մասին: Հիշեցնենք, որ քաղխորհրդի վերջին նիստը, որը կվարի ՀՀ առաջին նախագահ Լևոն Տեր-Պետրոսյանը, կկայանա դեկտեմբերի 29-ին: