ՀՀ ազգային վիճակագրական ծառայության և ՀՀ գյուղատնտեսության նախարարության
գյուղատնտեսական տեխնիկայի պետական տեսչության 2010 թ. տվյալներով, Հայաստանում հաշվառված ընդամենը 14,777 տրակտոր կա, որից սարքին վիճակում է 11,692-ը: Ի դեպ, սույն տեղեկագիրը կազմված է հանրապետության բոլոր համայնքներից և գյուղատնտեսությամբ զբաղվող առևտրային կազմակերպություններից: Հարկ է նկատել, որ մեր գյուղական վարչական շրջանների ամենագլխավոր պատճառներից մեկն էլ տեխնիկայի, այդ թվում՝ տրակտորների պակասն է: Ավելին, եղած տրակտորներն էլ այնքան են օգտագործվել, որ անհույս մաշվել են: Այնինչ, ՀՀ պաշտոնյաները չեն հոգնում իրենց պաշտոնավարման տարիներին կրկնել, թե գյուղատնտեսական տեխնիկան հա՛մ թարմացվելու է, հա՛մ անվճար տրամադրվելու գյուղական վարչական շրջաններին: Իսկ այդ ընթացքում հա՛մ խոստումններն են մաշվում, հա՛մ տրակտորները։
