Գարեջուր արտադրող Heineken ընկերությունը Facebook-ի իր էջում հայտարարել է գարեջրի շշի նոր դիզայնի մրցույթի մասին: Մրցույթին կարող են մասնակցել Heineken-ի բոլոր սիրահարները: Այս մասին հայտնվում է Facebook-ում ընկերության պաշտոնական էջում:
Բոլոր ցանկացողները կարող են http://www.facebook.com/heineken?sk=app_256849211027281 էջից ներբեռնել հատուկ ծրագիր, որի օգնությամբ կկարողանան մշակել շշի դիզայնը: Դիզայնը պետք է պատմի, թե ինչպես են մարդիկ ամբողջ աշխարհում իրար դիմելու գալիք 140 տարում: Այս թիվը ընտրվել է այն պատճառով, որ Heineken-ը անցած 140 տարվա ընթացքում տարբեր մարդկանց է միավորել: Մրցույթի հայտերն ընդունվում են մինչև դեկտեմբերի 31-ը:
Հայտը լրացնելուց հետո մրցույթի մասնակիցները պետք է նաև դիտեն օրինակները, որոնք ներկայացվել են այլ մասնակիցների կողմից և ընտրեն մեկը, որի գաղափարը մոտ է մրցույթի կանոններին: Մրցույթի ժյուրին ընտրելու է երկու լավագույն գաղափարը, որի հիման վրա ստեղծվելու է Heineken-ի նոր դիզայնը: Նոր դիզայնով շշերը վաճառքի են հանվելու 2012 թվականի դեկտեմբերին սահմանափակ քանակով:
Heineken ընկերությունը գովազդային պայմանագիր էր ստորագրել Facebook-ի հետ: Ընկերությունում նշում են, որ Heineken խումբը Facebook-ում ամենաշատ «հավանողներ» ունեցող խմբերից է համանման ապրանքանիշների շարքում: