Հայաստանի Հանրապետությունում թմրամոլության, թմրամիջոցների և հոգեմետ նյութերի ապօրինի շրջանառության հետ կապված՝ քրեական պատասխանատվության է ենթարկվել 18-50 տարեկան 605 անձ, որոնցից երկուսը անչափահաս են, 12-ը` կանայք, 49-ը` օտարերկրացի, որից 45-ը՝ Իրանի Իսլամական Հանրապետության քաղաքացիներ: «2010 թ. 9 ամիսների ընթացքում հանրապետության իրավապահ մարմինների կողմից հայտնաբերվել է թմրամոլության, թմրամիջոցների և հոգեմետ նյութերի ապօրինի շրջանառության հետ կապված հանցագործության 1152դեպք՝ նախորդ տարվա 826 դեպքի դիմաց: 2009 թ. 9 ամիսների ընթացքում ՀՀ Քրեական օրենսգրքի 266 հոդվածի հատկանիշներով, այսինքն՝ թմրամիջոցների կամ հոգեմետ նյութերի, դրանց համարժեքների և պրեկուսորների ապօրինի շրջանառություն իրացնելունպատակով, հայտնաբերվել է հանցագործության 598 դեպք՝ նախորդ տարվա նույն ժամանակահատվածի 329 դեպքի դիմաց: Նույն օրենսգքրի 268 հոդվածի հատկանիշներով, այսինքն՝ թմրամիջոցների կամ հոգեմետ նյութերի ապօրինի շրջանառությունը՝ առանց դրանց իրացնելու նպատակի, հայտնաբերվել է հանցագործության 549 դեպք՝ նախորդ տարվա նույն ժամանակահատվածի 490 դեպքի դիմաց»,- ասում է ոստիկանության թմրաբիզնեսի և թրաֆիքինգի դեմ պայքարի վարչության պետ Նազարեթ Մնացականյանը:
